Komunikim- Shtypi

Shqipëria e hapur për kompanitë franceze

Kryeministri Edi Rama, gjatë vizitës në Paris, foli për projekte në fushën e energjisë dhe për "Shkollën 42".

Me dy projektet e saj të parqeve fotovoltaike në Spitalla dhe Karavasta me një kapacitet total prej 240 megavat dhe një shumë të vlerësuar prej rreth 120 milion euro, kompania franceze Voltalia është bërë "investitori i parë i huaj në Shqipëri", thote CEO i saj, Sébastien Clerc. Këto impiante të ardhshme, të cilat përfaqësojnë konsumin e rreth 375,000 njerëzve, ose 13% të popullsisë shqiptare, janë infrastruktura diellore më e rëndësishme në të gjithë rajonin e Ballkanit.

I vendosur për t’a dërguar vendin e tij drejt procesit të anëtarësimit në Bashkimin Evropian, gjë që Emmanuel Macron e ngadalësoi, Kryeministri shqiptar Edi Rama, i cili ishte në Paris të Premten e kaluar,  foli për  « Le Figaro » për ‘fiksimin’ e tij për të hapur dyert më shumë për Francën dhe Gjermaninë ".

Italia është vendi kryesor investitor. Kreu i qeverisë shqiptare, një artist frëngjishtfolës – ku ngjyrat pastel e lapsat me ngjyra janë dukshëm në zyrën e tij në Tiranë -– u zgjodh përsëri për një mandat të tretë në Prill.

Në këtë Europë Ballkanike ku Pekini po investon në infrastrukturë, Shqipëria bën përjashtim: Edi Rama nuk e fsheh armiqësinë e tij ndaj "parave kineze".

"Ne duam të përdorim krizën si një mundësi për rimëkëmbjen ekonomike" (PBB është kontraktuar me 3.5% në vitin 2020), shpjegon Kryeministri. Në fushën e energjisë, "ne kemi gjithçka që të jetë 100% e rinovueshme", nënvizon Edi Rama, i cili e sheh vendin e tij, të pajisur me burime hidraulike dhe një potencial të fortë diellor, një eksportues neto i energjisë elektrike deri në 2030. Kjo nuk e ndalon atë të mendojë për hidrokarburet: Shqipëria përshkohet nga tubacioni i gazit TAP që transporton gaz nga Deti Kaspik në Itali.

Sarkozy «i magjepsur nga Shqipëria»

Edi Rama mbështet projektin IAP (Gazsjellësi Jon-Adriatik) i cili do t'i shërbeje Malit të Zi dhe Kroacisë. Ai është në favor të anëtarësimit të kompanive franceze në konsorciumin e ri që do të krijohet.

Gjatë qëndrimit të tij të shkurtër në Paris, Kryeministri shqiptar u takua me disa udhëheqës francezë në Paris, përfshirë ata të Veolia-s për të diskutuar shpërndarjen e ujit në Tiranë. Modernizimi i infrastrukturës është thelbësor për ish-vendin komunist i cili bazon një pjesë të zhvillimit të tij në turizëm. Edi Rama evokon projektet e katër aeroporteve, katër marinave dhe zhvendosjen e dy porteve tregtare.

Ai thotë se vendi i tij nuk ishte në radarin e grupit Accor derisa një nga drejtorët e tij, njëfarë Nicolas Sarkozy, që shoqëronte gruan e tij Carla për një koncert, në qershor 2019, u magjeps nga vendi. Që nga ajo kohë, thotë Edi Rama, grupi i hotelit ka nënshkruar ose planifikon të nënshkruajë disa kontrata.

Vullnetarizmi i kreut të qeverisë nuk e ndalon atë të jetë i kthjellët për një nga plagët e vendit të tij: emigrimin e vazhdueshëm të rinisë së tij. Kjo është arsyeja pse projektet arsimore po tërheqin vëmendjen e tij të plotë. « Shkolla 42 » e themeluar nga Xavier Niel, e cila operon në fushën e IT, duhet të hapë kampusin e saj në Tiranë, në një ndërtesë të re të financuar nga shteti shqiptar, në vjeshtën e vitit 2022.

Edi Rama është i vetëdijshëm që vendi i tij me 3 milion banorë, ndër më të varfrit në Evropë, përbën një treg shumë modest. Kjo është arsyeja pse ai dëshiron të përfitojë nga ‘ngrohja’ e marrëdhënieve me fqinjët e tij, në Ballkanin e shkatërruar nga historia, në veçanti me Serbinë. Në pritje të perspektivës së anëtarësimit në BE, integrimi më i mirë ekonomik i Ballkanit Perëndimor do të përmirësonte atraktivitetin rajonal për investitorët e huaj.

 BURIMI : LE FIGARO

https://www.lefigaro.fr/conjoncture/l-albanie-s-ouvre-aux-entreprises-francaises-20210620